ЖОЛООЧ
Гэрээний хугацаа: Нэг жил
Гэрээний төрөл: Бүтэн цагийн, долоо хоногт 40 цаг
Цалингийн хэмжээ: 1,800,000–2,000,000 төгрөг
Ажиллах газар: Улаанбаатар хот, шаардлагатай тохиолдолд төсөл хэрэгжиж буй аймгуудад томилолтоор ажиллана.
Ажлын ачаалал маш бага бөгөөд байгууллагаас хувийн эрүүл мэндийн даатгал олгоно.
Пипл Ин Нийд (ПИН) нь дэлхийн 30 гаруй улсад хүмүүнлэгийн тусламж, хөгжил, хүний эрхийн чиглэлээр үйл ажиллагаа явуулдаг Бүгд Найрамдах Чех Улсад байгуулагдсан төрийн бус, ашгийн бус олон улсын байгууллага юм.
Жолооч нь ПИН-ийн ажилтан, зочид болон шаардлагатай бараа, материалыг аюулгүй, найдвартай тээвэрлэх, байгууллагын автомашины хэвийн, бэлэн ажиллагааг хангах, ПИН-ийн Ёс зүйн дүрэм, аюулгүй ажиллагаа, тээврийн хөдөлгөөн болон бусад дотоод бодлого, журам, стандартыг чанд мөрдөх үүрэгтэй. Ажилтан нь тээврийн хэрэгслийг даац хэтрүүлэхгүйгээр аюулгүй жолоодож, зорчигчдод шаардлагатай аюулгүй ажиллагааны зааварчилгаа өгөх, автомашины тос, дугуй, тоормос, хөргөлтийн шингэн, аккумлятор болон бусад үндсэн эд ангийн бүрэн бүтэн байдлыг тогтмол шалгана. Жижиг засвар үйлчилгээг шуурхай хийлгэж, томоохон засварын хэрэгцээг холбогдох ажилтанд мэдэгдэн төлөвлөж, автомашины цэвэрлэгээ, техникийн бэлэн байдал, аюулгүй байдлыг өдөр тутам хангана. Мөн тээврийн хэрэгслийн татвар, даатгал, техникийн үзлэг болон бусад албан ёсны төлбөр, үйлчилгээг хугацаанд нь хийлгэх, даатгал, бүртгэл, замын хуудас зэрэг бичиг баримт, анхны тусламжийн хайрцаг, галын хор, сэлбэг хэрэгсэл болон бусад шаардлагатай тоног төхөөрөмжийг бүрэн, бэлэн байлгах үүрэгтэй. Өдөр бүр явсан замын километр, шатахуун зарцуулалт, засвар үйлчилгээний мэдээллийг ПИН-ийн дотоод гар утасны аппликейшнд үнэн зөв бүртгэж, долоо хоног бүр удирдлагад танилцуулан баталгаажуулна. Байгууллага болон төслүүдийн ажлын төлөвлөгөөтэй урьдчилан танилцаж, автомашиныг төлөвлөсөн үйл ажиллагаа, уулзалт, сургалт, хөдөө орон нутгийн томилолтод бэлэн байлгана. Түүнчлэн оффисын өдөр тутмын үйл ажиллагаанд дэмжлэг үзүүлэх, шуудан, албан бичиг болон бусад эд зүйлсийг хүргэх, хүлээн авах, томилолтын замын маршрут, хугацаа, шатахууны хэрэгцээг тооцоолох, шаардлагатай үед зочид буудал болон бусад үйлчилгээ үзүүлэгч байгууллагатай харилцах зэрэг захиргаа, аж ахуйн шинжтэй ажилд тусална. Ажлын байрны хэрэгцээнээс хамааран удирдлагаас өгсөн бусад холбогдох үүрэг, даалгаврыг гүйцэтгэнэ.
Ажил горилогч нь бүрэн дунд болон түүнээс дээш боловсролтой, Монгол Улсад хүчин төгөлдөр үйлчлэх “B” ангиллын жолооны үнэмлэхтэй, Улаанбаатар хот болон хөдөө орон нутагт тав болон түүнээс дээш жил тээврийн хэрэгсэл жолоодсон туршлагатай байна.
Багаар ажиллах, ажлаа зохион байгуулах, цагийн менежмент болон харилцааны ур чадвартай, мэргэжлийн болон хувийн өндөр ёс зүйтэй, хариуцлагатай, эерэг хандлагатай, нягт нямбай байх шаардлагатай.
Байгууллагын ажилтан, зочид болон үйл ажиллагаатай холбоотой мэдээллийн нууцлалыг чанд хадгалж, зорчигчидтой хүндэтгэлтэй, соёлтой харилцан, аюулгүй байдлыг нэн тэргүүнд тавьж ажилладаг байх ёстой.
