“Урт цагаан үйлчилгээний төв” ОНӨААТҮГ нь өөрийн эзэмшил, ашиглалтад байгаа барилга байгууламжийн сантехникийн шугам сүлжээ, тоног төхөөрөмжийн хэвийн ажиллагааг хангах, засвар үйлчилгээ хийх, гэмтэл саатлыг шуурхай арилгах чиглэлээр мэргэжлийн иргэн, аж ахуйн нэгжтэй гэрээгээр хамтран ажиллана.
1. Гүйцэтгэх ажил, үйлчилгээ
• Цэвэр усны шугам хоолой, тоноглолын засвар үйлчилгээ;
• Бохир ус, ариутгах татуургын шугам сүлжээний засвар үйлчилгээ;
• Сантехникийн тоног төхөөрөмжийн үзлэг, оношилгоо, засвар;
• Ус алдалт, бөглөрөл болон бусад гэмтэл саатлыг шуурхай арилгах;
• Насос, хаалт, крант болон холбогдох тоног төхөөрөмжийн засвар үйлчилгээ;
• Сантехникийн шугам сүлжээний урьдчилан сэргийлэх үзлэг, үйлчилгээ;
• Шаардлагатай тохиолдолд сантехникийн угсралт, шинэчлэл, засварын ажил гүйцэтгэх;
• Бусад холбогдох сантехникийн ажил, үйлчилгээг гэрээний дагуу гүйцэтгэх.
2. Тавигдах шаардлага
Иргэн, аж ахуйн нэгж нь:
1. Сантехникийн чиглэлээр мэргэжлийн мэдлэг, туршлагатай байх;
2. Сантехникч, инженер болон шаардлагатай мэргэжлийн ажилтантай байх;
3. Тухайн ажил, үйлчилгээний онцлогоос хамааран холбогдох тусгай зөвшөөрөл, эрх, мэргэшлийн гэрчилгээтэй байх;
4. Сантехникийн засвар, үйлчилгээний зориулалтын багаж, тоног төхөөрөмжтэй байх;
5. Өмнө нь ижил төрлийн ажил, үйлчилгээ гүйцэтгэж байсан туршлагатай байх;
6. Шуурхай дуудлагаар ажиллах боломжтой, шаардлагатай үед богино хугацаанд засвар үйлчилгээ үзүүлэх боломжтой байх;
7. Ажил гүйцэтгэхдээ хөдөлмөрийн аюулгүй байдал, эрүүл ахуй, галын болон бусад холбогдох дүрэм, журмыг мөрдөх;
8. Ашигласан материал, сэлбэг хэрэгслийн чанар, гарал үүслийг баталгаажуулах боломжтой байх;
9. Гүйцэтгэсэн ажилд баталгаат хугацаа, хариуцлага хүлээх нөхцөлтэй байх;
10. Ажлын гүйцэтгэл, зарцуулсан материал, сэлбэг хэрэгслийн талаар тайлан, акт гаргаж өгөх боломжтой байх.
3. Бүрдүүлэх материал
Сонирхсон иргэн, аж ахуйн нэгж дараах материалыг ирүүлнэ. Үүнд:
• Иргэний үнэмлэхийн хуулбар /иргэн бол/;
• Аж ахуйн нэгжийн улсын бүртгэлийн гэрчилгээний хуулбар;
• Тусгай зөвшөөрөл, мэргэшлийн гэрчилгээ /шаардлагатай бол/;
• Мэргэжлийн ажилтнуудын мэдээлэл, диплом, мэргэшлийн гэрчилгээний хуулбар;
• Өмнө гүйцэтгэсэн ижил төрлийн ажлын талаарх мэдээлэл;
• Ашиглах багаж, тоног төхөөрөмжийн жагсаалт;
• Үнийн санал;
• Холбоо барих мэдээлэл;
• Бусад шаардлагатай баримт бичиг.
4. Хамтран ажиллах нөхцөл
Сонгон шалгаруулалтад тэнцсэн иргэн, аж ахуйн нэгжтэй ажил үйлчилгээ гүйцэтгэх гэрээ байгуулж, гэрээнд ажил, үйлчилгээний төрөл, хугацаа, үнэ тариф, төлбөрийн нөхцөл, чанар, баталгаат хугацаа, хариуцлага болон бусад нөхцөлийг тусгана.
Гэрээт гүйцэтгэгч нь ажлыг чанартай, стандартын шаардлагад нийцүүлэн, тохирсон хугацаанд гүйцэтгэж, байгууллагын хэвийн үйл ажиллагаанд саад учруулахгүй ажиллана.
5. Материал хүлээн авах
Сонирхсон иргэн, аж ахуйн нэгж нь дээрх материалыг бүрдүүлэн 2026 оны 09 дүгээр сарын14-ны өдрийн 16 цаг хүртэл “Урт цагаан үйлчилгээний төв” ОНӨААТҮГ-ын Захиргаа, санхүү, орлого бүрдүүлэлтийн албанд хүргүүлнэ.
Хаяг: Улаанбаатар хот Чингэлтэй дүүрэг 3-р хороо Урт цагаан үйлчилгээний төвийн төв байр 214 тоот
“УРТ ЦАГААН ҮЙЛЧИЛГЭЭНИЙ ТӨВ” ОНӨААТҮГ
